හර්නියා

උදර බිත්තියේ ඇතුල් පැත්තේ ඇති තුනී පටලමය කොටසක්, උදරයේ දුර්වල ස්ථාන වලින් එලියට නෙරා ඒමක් මෙලෙස හැදින්වේ. එහිදී ඇතිවන පැසක් වැනි කොටස තුලට උදරයේ ඇතුලත ඇති බඩවැල් ආදියද තල්ලූවී තිබිය හැක.

ප‍්‍රධාන වශයෙන්
උදරයේ පහලම හා ඉකිලි ප‍්‍රදේශය අතර ප‍්‍රදේශය (Inguinal hernia)
ඉකිලි ප‍්‍රදේශයේ (Femoral Hernia)
නාභිය ආශි‍්‍රතව (Umbilical Hernia)
උදරය කරන ලද ශල්‍යකර්මයකට පසු අදාල කැපුම යොදන ලද ස්ථානයේ මෙවැනි තත්ත්වයක් ඇතිවිය හැක (Incisional Hernia)

උදර කුහරය හා උරස් කුහරය වෙන්කරමින් පවකින මහා ප‍්‍රාචීරයේ ඇති කපාටමය සිදුරක් හරහා ආමාශය හා අන්නස්‍රොතය සම්බන්ධ වීම සිදුවේ. නමුත් මහා ප‍්‍රාචීරයේ එම අදාල කපාටයේ ව්‍යාකූල තත්ත්වයක් නිසා ආමාශය උරස් කුහරය වෙත නෙරා ඒම සිදුවිය හැක. Hiatal Hernia

අදාල ප‍්‍රදේශයේ ඇතිවන නෙරා ඒමක් (ගෙඞ්යක ස්වරූපයෙන්)
අධික ලෙස මහන්සි වීම, බර එසවීම වැනි කාරනා වලදී එය විශාල වීම හා කැක්කුම ඇතිවීම
සමහර අවස්ථාවලදී එය වෘෂණ කෝෂ විශාල වීමක් දක්වා වර්ධනය වීම.(ඉකිලි ප‍්‍රදේශයේ ඇතිවන හර්නියා)

- එහි ඇතිවන දැඞ් වේදනාව.
- උදරය විශාල වීම. (පිපීම)
- මලපහ පිටනොවීම හා වමනය යාම.
- උණ ගැනීම.
- වෙනදා එම හර්නියාව උදරය තුලට තල්ලූකල හැකි වූවත් මෙවැන් අවස්ථාවලදී එසේ තල්ලූ කල නොහැකි වීම.

ශල්‍යකර්මයක් මගින් හර්නියාව යථාතත්ත්වයට පත්කිරීමට ඇති හොදම ප‍්‍රතිකාර ක‍්‍රමයවේ.

මෙම ශල්‍යකර්මය සාමාන්‍යය ආකාරයට කැපුමක් යෙදීම මගින් හෝ කැමරා උපයෝගි කරගෙන (Laparoscopic hernia repair) කල හැක.

Laparoscopy ක‍්‍රමයට සිදුකිරීමේ ඇති වාසිය වනුයේ
- උදරයේ යොදනු ලබන කැපුම් ඉතා කුඩා වීම
- ඉක්මනින් නැවත සාමාන්‍යය ආකාරයට වැඩවල යෙදිය හැකි වීම.
- ශල්‍යකර්මයට පසු ඇති වේදනාව ඉතාම අල්ප වීම.

1. දීර්ඝකාලීනව ඇති මල බද්ධය හා මලපහ කිරීමේදී අධික ලෙස තැටමීම
2. එක දිගට පවතින කැස්ස
3. අධික ස්ථුලතාව
4. උදරයේ වතුර එකතුවීම (සිරෝසීස් තත්ත්ව වලදී)
5. අධික ලෙස බර එසවීම
6. දුම්පානය
7. මන්ද පෝෂණය

ඉතාම කලාතුරකින් එම ස්ථානයෙන් නැවත ඇතිවීමට හැකියාව ඇත.